हरसोडा मलकापूर येथे विधवा महिला संमेलन …

*हरसोडा मलकापूर येथे विधवा महिला संमेलन ….*

*मोठ्या संख्येने सोहळ्यात सहभागी व्हा…. प्रा. डी एस लहाने यांचे आवाहन*

*बुलढाणा*
विधवा व एकल महिलांना सामाजिक प्रतिष्ठा,हक्क मिळवून देण्यासाठी बुलढाण्यात मानस फाउंडेशन कार्य करीत आहे.याचाच एक भाग म्हणून विधवा महिला संमेलन तथा पुनर्विवाह सोहळा 8 मे रोजी मलकापूर तालुक्यातील हरसोडा येथे आयोजित आहे.विधवा महिलांच्या सामाजिक,आर्थिक समस्या यावर परिसंवाद असून त्यावर प्रसंगी चिंतन मनन केले जाणार आहे.

विधवा महिलांसाठी सामूहिक विवाह सोहळे व समुपदेशन कार्य मानस फाउंडेशनच्या माध्यमातून सुरू आहे.
विधवा विवाहाला सामाजिक प्रतिष्ठा मिळवून देण्यासाठी प्रा.लहाने यांच्या कडून हे कार्य जोमाने पुढे नेले जात आहे. त्याचाच एक भाग म्हणून हरसोडा तालुका मलकापूर येथे मानस फाउंडेशन बुलढाणा व राष्ट्रमाता जिजाऊ बहुउद्देशीय शिक्षण संस्था यांच्या संयुक्त विद्यमाने एकल महिला सामूहिक पुनर्विवाह सोहळा 8 मे रोजी आयोजित केला आहे.
याबाबतची बैठक मलकापूर येथे नुकतीच घेण्यात आली.कार्यक्रमास जिजाऊ शिक्षण संस्था अध्यक्ष संतोष रायपुरे उपस्थित होते. या कार्यक्रमासाठी रायपुरे यांनी पुढाकार घेतला आहे व सर्व भार उचलला आहे. या कार्यक्रमाची माहिती होताच अनेक जोडपे यांनी नोंदणी केली. वधू-वरांना पंधरा हजाराचे भांडे, विमा दिला जात असून जोडप्यांना लग्नाचा कोणताही खर्च नाही.

*दोन्ही खासदारांची उपस्थिती!*

विधवा महिलांच्या सामूहिक पुनर्विवाह सोहळ्याला बुलढाणा जिल्ह्याचे खासदार ,केंद्रीय मंत्री प्रतापराव जाधव व खासदार रक्षाताई खडसे प्रामुख्याने उपस्थित राहणार आहे.तर वक्ते म्हणून सामाजिक क्षेत्रातील नामवंत आहेत. तुम्ही लग्नाची तयारी दर्शवा ..खर्च आम्ही करू” असे प्राध्यापक डीएस लहाने यांनी म्हटले आहे. जास्तीत जास्त जोडप्यांनी नोंदणी करण्याचे व सहभागी होण्याचे आवाहन लहाने यांनी केले आहे.