रोहणा गावात दोन गटात वाद; गोळीबारात एक ठार, दोघे गंभीर! खामगाव तालुक्यासह जिल्हा हादरला!!
रोहणा गावात दोन गटात वाद; गोळीबारात एक ठार, दोघे गंभीर! खामगाव तालुक्यासह जिल्हा हादरला!!
बुलढाणा: खामगाव बुलढाणा मार्गावरील रोहणा (ता खामगाव) गावात एकाच जातीच्या दोन गटात झालेल्या वादाचे भीषण घटनेत पर्यवसन झाले. यावेळी करण्यात आलेल्या गोळीबारात एकाचा मृत्यू झाला तर दोघे गंभीर जखमी झाले. आज गुरुवारी ही खळबळजनक घटना घडली.
यामुळे खामगाव तालुक्यासह बुलढाणा जिल्हा हादरला आहे. वरिष्ठ अधिकाऱ्यांसह पोलिसांचा मोठा ताफा दाखल झाल्याने गावाला पोलीस छावणीचे स्वरूप प्राप्त झाले आहे. या घटनेचा विस्तृत तपशील मिळू शकला नाही. मात्र प्राथमिक माहितीनुसार गावालगत पारधी समाजाची राहुटी आहे. तिथे आज गुरुवारी पारधी समाजाचेच काही व्यक्ती आले. या दोन्ही गटात गंभीर कारणावरून कडाक्याच्या वाद झाला. वाद टोकाला गेल्याने एका गटातील तिघांनी दुसऱ्या गटातील व्यक्तींवर बेछूट गोळीबार केला. गोळीबारात एकाचा मृत्यू झाला तर दोघे गंभीर जखमी झाले. जखमींवर खामगाव सामान्य रुग्णालयात उपचार सुरू आहे. अवैध शस्त्र खरेदी विक्रीच्या व्यवहारातून वाद झाल्याचे प्राथमिक वृत्त आहे. मात्र याला पुष्टी मिळाली नाही.
